Já aldeilis langt síðan ég hef sest og sett hér línu. Sennilega búið að vera svona mikið að gera. Allavega er ég búin að gera alveg helling frá síðustu skrifum. Sumt fer nú ekki hér inn sko..... en sennilega var það nú samt gaman !!! En allavega allar mælingar frá því síðast eru bara á svipuðum nótum frá svona 117-119 þannig að ég gær (miðvikudagur) skrifaði ég bara Sigurði póst og sagðist ekki ætla í blóðprufu..... ég sagði bara að ef mér fyndist ég vera eitthvað slöpp þá mundi ég bara biðja þau hérna á HVE um að taka blóð og ég hefði svo samband við hann ef niðurstaðan væri ekki nógu góð - eða verri. Hann var bara sáttur við það. Ég held allavega að ég sé bara svona ca svipuð enda alltaf á sama steraskammtinum. Held að það sé best að reyna að halda þessu bara svona fram yfir hátíðirnar. Sjá svo til í janúar hver staðan er og hvort það er smuga að prófa að minnka aðeins meira. En Sigurður sagði mér líka að ég fengi tíma hjá gigtarlækni á LS í janúar (en ég var í samráði við Geir búinn að hafa samband við hann til að athuga hvort hann gæti kippt í spotta). það verður ágætt að komast að hjá gigtarlækni svona til að fara yfir hvernig staðan er á vefjum og sinum og liðum og bara öllum eymslum og verkjum og þreytu sem væri ágætt að vera laus við. Hitt er alveg nóg sko. En þá reikna ég bara með að reyna að fara í beinþéttnimælingu í sömu ferð þar sem ég varð að fresta tímanum sem ég var búin að fá um daginn.
Annars er ég byrjuð að LYFTA hjá Mikka. eða lyfta og ekki lyfta. labba í 20 mínútur og lyfti í 10 mínútur. Ég er nú bara búin að fara í 1 kennslutíma og svo aðra 2 tíma bara sjálf. En ég er nú búin að auka aðeins gönguhraðann já aðeins... og meira að segja farin að setja léttustu vigtina á lyftingatækin.. en annars var ég að lyfta - engu þ.e. ekki með neinar þyngingar. já þannig er nú staðan á mér líkamlega. Mér skilst að mér töluvert eldra fólk sé að lyfta þyngra en ég!!!! En þetta kemur bara.Ætla bara að halda mig á mottunni. Vil ekki lenda í einhverju brasi eða meiðslum. Annars er ég bara komin í smávegis jólaskap eða ég held það allavega- jú það hlýtur að vera. Ég er ekkert búin að finna til í bakinu í nokkra daga og það er nú bara aldeilis gleðilegt. En annars fara strákarnir mínir allir að fara í jólafrí. Litlu jólin eru hjá Badda og Valla á morgun og Hannes er líka að byrja í fríi á morgun sem á að ná fram á nýárið. það verður ljúft fyrir hann að fá smá frí. Ég verð að passa mig að gefa honum líka smá frí... en það er samt slatti sem þarf að lenda á honum að gera um jólin!!!!!! Hvað annað? En hann er nú hættur að standa í þessu flugeldastússi fyrir björgunarsveitina og það er nú heilmikið frí og gott að hann sé hættur því. Enda ungir og ferskir menn tiltækir á staðnum. Um að gera að nota þá :-) Já.... jæja held þetta sé gott í bili jólajólajóla :-)
Engin ummæli:
Skrifa ummæli